ముంబై: ఛత్రపతి శంభాజీ నగర్‌లో ATM దోపిడీకి సినీ తరహాలో ప్రణాళిక రూపొందించిన దొంగల ముఠా పోలీసుల చేతిలో పట్టుబడింది. స్టేట్ బ్యాంక్ ఆఫ్ ఇండియాకు చెందిన ATMను కారుతో లాగేందుకు ప్రయత్నించిన ఈ ముఠా చివరకు తమ యత్నాల్లో విఫలమైంది.
షానుర్వాడి ప్రాంతంలోని ATM సెంటర్‌కి నిన్న తెల్లవారుజామున 3 గంటల ప్రాంతంలో నలుగురు వ్యక్తులు ఒక కారులో వచ్చారు. ATM మెషీన్‌కు తాడు కట్టి, కారుతో లాగేందుకు ప్రయత్నించారు. అయితే యంత్రం కదలకపోవడంతో, వారు తమ ప్రణాళికను మార్చారు.
వెంటనే స్క్రూడ్రైవర్ వంటి సాధనాలతో ATMను పగలగొట్టి లోపల ఉన్న డబ్బు తీసేందుకు ప్రయత్నించారు. కానీ ఇందులో కూడా వారికి విజయం లభించలేదు. యంత్రాన్ని పగలగొట్టడంలో విఫలమవడంతో ముఠా అక్కడి నుంచి తప్పించుకునేందుకు ప్రయత్నించింది.
ఇంతలో ఉదయం డబ్బు తీసుకోవడానికి వచ్చిన ఓ కస్టమర్, ATM పగిలిపోవడం చూసి వెంటనే బ్యాంక్ అధికారులకు సమాచారం అందించాడు. వారు జవహర్‌నగర్ పోలీసులకు ఫిర్యాదు చేశారు. పోలీసు దళం సంఘటనా స్థలానికి చేరుకుని సీసీటీవీ ఫుటేజీ ఆధారంగా దొంగలను గుర్తించి పట్టుకుంది.
………
