తిరుమలకు పాదయాత్ర ప్రారంభం

విల్లివాకం న్యూస్: చెన్నై, పెరంబూర్, పటేల్ రోడ్డులో గల శ్రీ వెంకటేశ్వర భక్త సమాజం ఆధ్వర్యంలో తిరుమలకు పాదయాత్ర ఆదివారం ఆనంద నిలయం నుంచి ప్రారంభమయింది. 47వ సంవత్సరంగా ఏర్పాటైన ఈ పాదయాత్ర ప్రారంభోత్సవంలో ముఖ్య అతిథిగా ప్రముఖ పారిశ్రామికవేత్త జంబు పాల్గొని ప్రారంభించారు. ప్రత్యేక అతిథులుగా పుదుచ్చేరి ఎమ్మెల్యే శివశంకర్, పారిశ్రామికవేత్త కిల్లి వళవన్ పాల్గొన్నారు. ఈ పాదయాత్ర రెడ్ హిల్స్, పెరియపాలయం, ఊత్తుకోట, సురుటుపల్లి నాగలాపురం, నారాయణవనం, పుత్తూరు, తిరుచానూరు మీదుగా సాగి తిరుమల 17వ తేదీ ఉదయానికి చేరుకుంటుంది. ఈ పాదయాత్రలో సమాజం అధ్యక్షులు తమ్మినేని బాబు, కార్యదర్శి ఎస్ వెంకట్రామన్, సహకార్యదర్శి హెచ్ అనంతరామన్, కోశాధికారి పి కోదండరామన్, ట్రస్టీ పి రామచంద్రన్ సహా దాదాపు మహిళలు, పురుషులు 300 మంది పాల్గొన్నారు. అలాగే పాండిచ్చేరికి చెందిన భక్తులు పదిమంది పాల్గొన్నారు.