మెగా పవర్ స్టార్ రామ్ చరణ్ ‘పెద్ది’ సినిమా షూటింగ్ సందర్భంగా స్వల్పంగా గాయపడిన ఘటన అభిమానుల్లో ఆందోళన రేకెత్తించింది. హైదరాబాద్లో జరుగుతున్న చిత్రీకరణలో భాగంగా యాక్షన్ సన్నివేశం చేస్తుండగా ఆయన ఎడమ కంటి పైభాగంలో గాయం అయ్యింది. వెంటనే చిత్ర యూనిట్ అప్రమత్తమై సమీప ఆసుపత్రికి తరలించింది.
డాక్టర్ సుధాకర్ ప్రసాద్ ఆధ్వర్యంలో వైద్యులు చికిత్స అందించగా, కంటి రెప్ప వద్ద చిన్న శస్త్రచికిత్స చేసి కొన్ని కుట్లు వేశారు. ప్రస్తుతం చరణ్ ఆరోగ్యం స్థిరంగా ఉందని వైద్యులు తెలిపారు.
ఈ ఘటనపై మెగాస్టార్ చిరంజీవి స్పందిస్తూ, తన కుమారుడి ఆరోగ్యం గురించి అభిమానులకు భరోసా ఇచ్చారు. వైద్య బృందం సమయానికి స్పందించి మెరుగైన చికిత్స అందించిందని ఆయన కృతజ్ఞతలు తెలిపారు. దీంతో అభిమానుల్లో నెలకొన్న టెన్షన్ తగ్గింది.
గాయం జరిగినప్పటికీ రామ్ చరణ్ తన కమిట్మెంట్ను చూపిస్తూ త్వరలోనే మళ్లీ షూటింగ్లో పాల్గొననున్నట్లు సమాచారం. బుచ్చిబాబు సానా దర్శకత్వంలో తెరకెక్కుతున్న ఈ స్పోర్ట్స్ డ్రామాలో జాన్వీ కపూర్ హీరోయిన్గా నటిస్తోంది. ఏఆర్ రెహమాన్ సంగీతం అందిస్తున్న ఈ చిత్రాన్ని వృద్ధి సినిమాస్ నిర్మిస్తోంది.
ఇక మార్చి 27న రామ్ చరణ్ పుట్టినరోజు సందర్భంగా ప్రత్యేక టీజర్ విడుదలకు సిద్ధమవుతున్నట్టు చిత్ర యూనిట్ తెలిపింది.
