పిఠాపురం, జూన్ 27 : పిఠాపురం నియోజకవర్గం గొల్లప్రోలుపట్టణ మహిళా స్ఫూర్తి టీమ్ అందరం కలిపి పిఠాపురం శ్రీ పాద వల్లభునికి ప్రత్యేకపూజలు అభిషేకాలు నిర్వహించారు. తమ అధినేత ఆంధ్రప్రదేశ్ డిప్యూటీ సియం కొణిదల పవన్కళ్యాణ్ చేపట్టిన వారాహి అమ్మవారు దీక్ష ఎటువంటి ఆటంకాలు లేకుండా దిగ్విజయంఅవ్వాలని కోరుకుంటూ శ్రీపాద వల్లభునికి పాలాభిషేకం మరియు పురుహూతీక అమ్మవారికి కుంకుమార్చన నిర్వహించారు. అలాగే పవన్ కళ్యాణ్ ప్రజలకు సాయం చేస్తూ ఉన్నతస్థాయిలో ఉండాలని కోరుకుంటూ ఆయన పేరు మీద పూజలు, అభిషేకాలు మహిళా స్ఫూర్తి టీమ్ సభ్యులు చేయించారు. ఈ కార్యక్రమంలోగొల్లప్రోలు పట్టణ జనసేన అధ్యక్షురాలు వినుకొండ శిరీష, మండల మహిళా అధ్యక్షురాలు వినుకొండ అమ్మాజీ, కనక లక్ష్మి, వెంకటలక్ష్మి, సుధా, ఆదిలక్ష్మి, మహిళా స్ఫూర్తి టీమ్ సభ్యులు తదితరులుపాల్గొన్నారు.
