టి నగర్ న్యూస్ :క్యాన్సర్ అనేది ప్రపంచవ్యాప్తంగా లక్షలాది మంది ప్రాణాలను పొగొట్టే ప్రమాదకర వ్యాధి. దీన్ని నియంత్రించేందుకు ప్రపంచవ్యాప్తంగా అనేక పరిశోధనలు జరుగుతూనే ఉన్నాయి. ఈ క్రమంలో, రష్యా ఆరోగ్య మంత్రిత్వ శాఖ ఒక కొత్త అద్భుతాన్ని సాధించింది. క్యాన్సర్ను నివారించడానికి మరియు వ్యాప్తిని తగ్గించడానికి mRNA ఆధారిత వ్యాక్సిన్ను అభివృద్ధి చేసినట్లు అధికారికంగా ప్రకటించింది.
రష్యా రేడియోలాజికల్ రీసెర్చ్ సెంటర్ డైరెక్టర్ జనరల్ ఆండ్రీ కాబ్రిన్ మాట్లాడుతూ, “మా పరిశోధక బృందం పటిష్ఠమైన పరిశోధనలతో క్యాన్సర్ వ్యాక్సిన్ను సృష్టించగలిగింది. ఇది ప్రజలకు ఉచితంగా అందించడానికి సన్నద్ధమవుతున్నాము,” అని తెలిపారు.
కమలేయ నేషనల్ రీసెర్చ్ సెంటర్ డైరెక్టర్ అలెగ్జాండర్ గింజ్బర్గ్ ప్రకారం, ఈ వ్యాక్సిన్ ప్రయోగాత్మకంగా క్యాన్సర్ కణాల పెరుగుదల మరియు వ్యాప్తిని సమర్థవంతంగా నియంత్రించినట్లు ఫలితాలు చూపించాయి. వ్యాక్సిన్ను 2025 ఆరంభంలో ప్రజల వినియోగానికి అందించనున్నట్లు తెలిపారు.
ఈ సంచలనాత్మక పరిణామం ప్రపంచ ఆరోగ్య రంగంలో విప్లవాత్మక మార్పులకు దారితీయవచ్చని భావిస్తున్నారు
