చెన్నై: మెగాస్టార్ చిరంజీవి రాజకీయాల్లోకి తిరిగి ఎంట్రీ ఇవ్వబోతున్నారా? లేదా ఆయనకు దేశంలోని రెండవ అత్యున్నత పదవి అయిన ఉపరాష్ట్రపతి పదవి వస్తుందా? ప్రస్తుతం ఈ ప్రశ్నలు రాజకీయ వర్గాలు, మీడియా వర్గాలలో హాట్ టాపిక్‌గా మారాయి.
ఇటీవల ప్రధాని నరేంద్ర మోదీతో చిరంజీవి సాన్నిహిత్యం పెరిగినట్లు కనిపిస్తోంది. ముఖ్యంగా బీజేపీ నిర్వహించే కార్యాక్రమాలలో చిరంజీవి కనిపించడంపై పలు అనుమానాలు తలెత్తాయి. తాజాగా సంక్రాంతి పండుగ సందర్భంగా కేంద్ర మంత్రి కిషన్ రెడ్డి నివాసంలో జరిగిన వేడుకల్లో ప్రధాని మోదీతో పాటు చిరంజీవి హాజరవడం, వీరి మధ్య సాన్నిహిత్యం కనబడడం ఈ ఊహాగానాలకు మరింత బలం చేకూర్చింది.
ఇది కేవలం పండుగ వేడుకలకే పరిమితమా? లేక చిరంజీవి భవిష్యత్తులో భారతీయ జనతా పార్టీతో రాజకీయంగా కొత్త ప్రయాణం మొదలుపెట్టబోతున్నారా? బీజేపీతో పొత్తు పెట్టుకున్న జనసేన అధినేత పవన్ కళ్యాణ్ చర్చల ఫలితంగా చిరంజీవికి ఉపరాష్ట్రపతి పదవి వస్తుందని పలు మీడియా వర్గాలు పేర్కొంటున్నాయి.
ప్రస్తుతం ఉపరాష్ట్రపతి పదవిని అలంకరిస్తున్న జయదేవ్ ధన్కర్ వివాదాల్లో చిక్కుకున్న ఈ సమయంలో, ఆయన స్థానంలో చిరంజీవిని నియమించే ఆలోచన ఉన్నట్లు చెబుతున్నారు. చిరంజీవి ఇప్పటికే రాజకీయ అనుభవం కలిగిన నాయకుడే. కాంగ్రెస్ పార్టీ తరఫున ఆంధ్రప్రదేశ్‌లో రాజకీయ ప్రవేశం చేసిన చిరంజీవి, కేంద్ర కేబినెట్ మంత్రిగా కూడా పని చేశారు.
ఈ వార్తల నేపథ్యంలో చిరంజీవి త్వరలోనే బీజేపీలో చేరతారా? లేదా ఆయనకు ఉపరాష్ట్రపతి పదవిని అప్పగించనున్నారా? ఈ అంశాలపై అధికారిక ప్రకటన వచ్చే వరకు ఈ చర్చలు నడుస్తూనే ఉంటాయి.
మీ అభిప్రాయం ఏమిటి? చిరంజీవి రాజకీయాల్లోకి తిరిగి రావడం ఎంతగానో ప్రభావితం చేయగలదా? మీ అభిప్రాయాలను కామెంట్ల రూపంలో తెలియజేయండి!
