చెన్నై న్యూస్: సింగపూర్‌లో నిర్వహించిన ప్రపంచ చెస్ ఛాంపియన్‌షిప్‌లో భారత యువ గ్రాండ్‌మాస్టర్ డి. గుకేశ్ ప్రపంచ చెస్ ఛాంపియన్‌గా నిలిచి, భారతదేశానికి ఘనమైన గౌరవం తీసుకువచ్చాడు. 14 రౌండ్ల పాటు జరిగిన పోటీలో గుకేశ్, చైనాకు చెందిన డింగ్ లిరెన్‌ను 7½-6½ స్కోరుతో ఓడించి, ప్రపంచ ఛాంపియన్ టైటిల్‌ను సొంతం చేసుకున్నాడు.
ఈ విజయంతో గుకేశ్ పిన్న వయసులో ఈ ఘనత సాధించిన అతి పిన్న వయస్కుడిగా నిలిచాడు. ఆయన భారతీయ గ్రాండ్‌మాస్టర్ విశ్వనాథన్ ఆనంద్ తర్వాత ఈ టైటిల్ గెలుచుకున్న రెండో భారతీయుడు.
చెన్నైలో ఘన స్వాగతం
గుకేశ్ తన విజయానంతరం ఎయిరిండియా విమానంలో చెన్నై చేరుకున్నాడు. చెన్నై విమానాశ్రయంలో ఆయనకు అభిమానులు, అధికారులు, చెస్ అభిమానులు ఘన స్వాగతం పలికారు.
అనంతరం చెన్నైలోని కలైవానర్ ఆరినాలో తమిళనాడు ప్రభుత్వం ఆధ్వర్యంలో గుకేశ్‌కు ఘన సన్మానం జరిగింది. ముఖ్యమంత్రి ఎం.కె. స్టాలిన్ చేతుల మీదుగా గుకేశ్‌కు ₹5 కోట్ల రూపాయల చెక్కును ప్రదానం చేశారు. గుకేశ్ తన ప్రపంచ ఛాంపియన్ ట్రోఫీని ముఖ్యమంత్రికి అందజేసి అభినందనలు అందుకున్నారు. కార్యక్రమానికి ముఖ్యమంత్రి ఎంకే స్టాలిన్‌తో పాటు ఉప ముఖ్యమంత్రి ఉదయనిధి స్టాలిన్, పలువురు మంత్రులు, ప్రముఖులు హాజరయ్యారు.
ముఖ్యమంత్రి స్టాలిన్ ప్రసంగం
ఈ సందర్భంగా ముఖ్యమంత్రి స్టాలిన్ మాట్లాడుతూ, “గుకేశ్ విజయం చెన్నై ప్రజలకే కాదు, భారతీయులందరికీ గర్వకారణం. చెస్ ఒలింపియాడ్, ఇతర అంతర్జాతీయ క్రీడల ద్వారా తమిళనాడును క్రీడాసంస్కృతి కేంద్రంగా మలచిన మా ప్రయత్నాలు ఇలాంటి విజయాల ద్వారా ఫలిస్తున్నారు,” అన్నారు.
విశ్వనాథన్ ఆనంద్ సందేశం
చదరంగ ప్రపంచంలో భారత చెరును సుదీర్ఘంగా కొనసాగించిన విశ్వనాథన్ ఆనంద్ ఈ విజయాన్ని భారతదేశానికి మరో చరిత్రాత్మక ఘట్టంగా అభివర్ణించారు. “గుకేశ్ తన చిరునవ్వు, క్రీడాస్ఫూర్తితో భారత యువతకు ఆదర్శంగా నిలుస్తున్నాడు,” అన్నారు.
తమిళనాడు – చదరంగం ప్రపంచానికి పుట్టినిల్లు
తమిళనాడు ప్రభుత్వం మున్ముందు కూడా క్రీడలకు ప్రాధాన్యత ఇస్తూ, చదరంగం సహా వివిధ క్రీడల ప్రోత్సాహానికి కట్టుబడి ఉందని స్టాలిన్ స్పష్టం చేశారు.
ఈ విజయంతో గుకేశ్, భారత క్రీడల చరిత్రలో చిరస్థాయిగా నిలిచే పేరు సంపాదించాడు. 18 ఏళ్ల వయస్సులో ఆయన సాధించిన ఈ ఘనత భారత యువతకు స్ఫూర్తిగా నిలుస్తోంది.
