చెన్నై న్యూస్ :ది హిందూ గ్రూప్, వెల్లూరు ఇన్స్టిట్యూట్ ఆఫ్ టెక్నాలజీ (విఐటీ) మరియు సిఫీ టెక్నాలజీస్ సంయుక్తంగా నిర్వహించిన ‘ది హిందూ టెక్ సమ్మిట్ 2026’ ప్రారంభ సమావేశంలో డాక్టర్ విశ్వనాథన్ ప్రసంగించారు. గత రెండు దశాబ్దాల్లో భారత్ విశేష ఆర్థిక పురోగతి సాధించిందని ఆయన పేర్కొన్నారు. ప్రస్తుతం భారత్ ప్రపంచంలోనే నాల్గవ అతిపెద్ద ఆర్థిక వ్యవస్థగా ఎదిగిందని, 2025 సంవత్సరంలో జపాన్‌ను అధిగమించినట్లు తెలిపారు. దేశం సాంకేతిక రంగం, పరిశ్రమలు మరియు ఆవిష్కరణల ద్వారా గ్లోబల్ స్థాయిలో తన స్థానం బలపరుచుకుంటోందని ఆయన అభిప్రాయపడ్డారు.