ఇందులో హిందోళ రాగంలో ‘నిగమ నిగమ’ (అన్నమాచార్య కీర్తన), ‘చరణములే నమ్మితి’, ‘పలుకే బంగారమాయన’, ‘పిబరే రామరసం’, ‘కురై ఒండ్రుం ఇలై’ తదితర కీర్తనలు శ్రావ్యంగా ఆలపించారు. అలాగే, గాయకులు ఎం.ఆర్ సుబ్రహ్మణ్యం కొన్ని భక్తి గీతాలను ఆలపించారు. కీబోర్డు ఎన్ వి బాబు, తబలా రమేష్ సహకారం అందించారు. ఇందులో విశేషంగా భక్తులు పాల్గొన్నారు. శ్రీ వెంకటేశ్వర భక్త సమాజం అధ్యక్షులు తమ్మినేని బాబు, కార్యదర్శి ఎస్ వెంకట్రామన్, సహాయ కార్యదర్శి పి రవికుమార్, కార్యవర్గ సభ్యులు, ట్రస్టీలు, గుడిమెట్ల చెన్నయ్య, విజయలక్ష్మి, శ్రీనాథ్ సహా పుర ప్రముఖులు పాల్గొన్నారు. చివరిగా అరుణ శ్రీనాథ్, ఎంఆర్ సుబ్రహ్మణ్యంలను నిర్వాహకులు సత్కరించారు.

……….

చెన్నై న్యూస్:భాషా విధానంపై తమిళనాడులో రాజకీయ నాయకులు పరస్పర విరుద్ధ ప్రకటనలు చేస్తుండటంతో తెలుగు విద్యార్థులు తీవ్ర ఇబ్బందులు ఎదుర్కొంటున్నారని తమిళనాడు తెలుగు యువశక్తి వ్యవస్థాపక అధ్యక్షులు కేతిరెడ్డి జగదీశ్వర రెడ్డి పేర్కొన్నారు. ఈ పరిస్థితి విద్యార్థుల భవిష్యత్తును గందరగోళంలోకి నెడుతోందని ఆయన ఆందోళన వ్యక్తం చేశారు.
గతంలో తమిళనాడు ముఖ్యమంత్రిగా ఉన్న ఎం.కె. స్టాలిన్ కేంద్ర ప్రభుత్వం ప్రతిపాదించిన మూడు భాషల విధానాన్ని తీవ్రంగా వ్యతిరేకించారు. ఇది హిందీ కాని రాష్ట్రాలపై హిందీని పరోక్షంగా రుద్దే ప్రయత్నమని ఆయన పేర్కొన్నారు. తమిళనాడులో తమిళం, ఆంగ్లం మాత్రమే కొనసాగుతాయని, మూడు భాషల విధానాన్ని అమలు చేయబోమని స్పష్టం చేశారు.
ఇదిలా ఉండగా, భారతీయ జనతా పార్టీ రాష్ట్ర అధ్యక్షుడు కె. అన్నామలై ఆరో తరగతి నుంచి మూడు భాషల విధానాన్ని స్వాగతించినప్పటికీ, ఈ విద్యా సంవత్సరంలోనే తొమ్మిదో తరగతి విద్యార్థులకు మూడో భాషను తప్పనిసరి చేయడాన్ని వ్యతిరేకించారు. ప్రభుత్వం ముందుగా 2029–30 నుంచి అమలు చేస్తామని ప్రకటించి, ఇప్పుడు అకస్మాత్తుగా మార్పులు చేయడం విద్యార్థులపై అదనపు భారం మోపుతుందని ఆయన అభిప్రాయపడ్డారు.
ఈ ఇద్దరు నాయకుల భిన్నమైన ప్రకటనలు విద్యార్థులు, తల్లిదండ్రుల్లో అయోమయాన్ని సృష్టిస్తున్నాయని జగదీశ్వర రెడ్డి అన్నారు.
మూడు భాషల విధానం అంటే ఏమిటి?
ప్రధానమంత్రి నరేంద్ర మోదీ ప్రభుత్వం ప్రవేశపెట్టిన జాతీయ విద్యా విధానం–2020 (NEP 2020) ప్రకారం విద్యార్థులు మూడు భాషలు నేర్చుకోవాలి. అందులో కనీసం రెండు భారతీయ భాషలు ఉండాలి. ఐదో తరగతి వరకు, వీలైతే ఎనిమిదో తరగతి వరకు మాతృభాషలోనే బోధన జరగాలని ఈ విధానం సూచిస్తోంది.
యునెస్కో కూడా పిల్లలు తమ మాతృభాషలో విద్యను ప్రారంభిస్తే పాఠాలు సులభంగా అర్థమవుతాయని, ఆలోచనా శక్తి, ఆత్మవిశ్వాసం పెరుగుతాయని పేర్కొంటోంది.
తమిళనాడులో తెలుగు పిల్లల పరిస్థితి
తమిళనాడులో రెండు భాషల విధానం కొనసాగుతున్నప్పటికీ, తెలుగు భాషా ఉపాధ్యాయులను ప్రభుత్వం తగిన సంఖ్యలో నియమించలేదని ఆయన ఆరోపించారు. తెలుగు మాతృభాష పరీక్ష మార్కులను మొత్తం మార్కుల్లో పరిగణనలోకి తీసుకోవడం లేదని, దీంతో అనేక తెలుగు కుటుంబాలు తమ పిల్లలను బలవంతంగా తమిళ మాధ్యమంలో చదివించాల్సిన పరిస్థితి ఏర్పడిందని తెలిపారు.
ఇది తెలుగు భాష అభివృద్ధికి నష్టమని, భవిష్యత్తులో పిల్లలు తమ మాతృభాషను కోల్పోయే ప్రమాదం ఉందని హెచ్చరించారు.
అలాగే కేరళ రాష్ట్రంలోని కాసరగోడ్ ప్రాంతంలో మలయాళాన్ని మొదటి భాషగా తప్పనిసరి చేసే చర్యల కారణంగా కన్నడ విద్యార్థులు ఇబ్బందులు ఎదుర్కొంటున్నారని, ఇటువంటి పరిస్థితులు సరిహద్దు ప్రాంతాల్లో ఉద్రిక్తతలకు దారితీసే అవకాశం ఉందని పేర్కొన్నారు.
తమిళనాడు తెలుగు యువశక్తి డిమాండ్లు:
వెంటనే తెలుగు భాషా ఉపాధ్యాయులను నియమించాలి.
మాతృభాష పరీక్ష మార్కులను మొత్తం మార్కుల్లో కలపాలి.
ప్రతి విద్యార్థికి తన మాతృభాషలో చదివే హక్కును గౌరవించాలి.
విద్యా విధానాలపై తల్లిదండ్రుల కమిటీల అభిప్రాయాలను సేకరించి నిర్ణయాలు తీసుకునే విధంగా చట్టాన్ని తీసుకురావాలని ముఖ్యమంత్రి జోసెఫ్ విజయ్‌ను కోరారు.
భాషల పేరుతో ఉద్యమాలు, ఘర్షణలు జరగకుండా ప్రభుత్వం చర్యలు తీసుకోవాలని విజ్ఞప్తి చేశారు.
“మా భాష – మా హక్కు” “మాకు తెలుగు నేర్చుకునే హక్కు కావాలి”
అని ఆయన పేర్కొన్నారు.

అలాగే చందన్, కుందన్ సింగ్ ఏర్పాట్లను పర్యవేక్షించారు. ఈ సందర్భంగా తంగుటూరి రామకృష్ణ మాట్లాడుతూ తమ షోరూమ్ లో బంగారు, వెండి సామగ్రి, గిఫ్ట్ ఆర్టికల్స్ లభిస్తాయని, ఇవన్నీ వినియోగదారులను ఎంతగానో ఆకర్షిస్తాయని పేర్కొన్నారు.

……

చెన్నై న్యూస్ : తమిళనాడు శాసనసభలో నేడు ప్రభుత్వంపై విశ్వాస తీర్మానం ప్రవేశపెట్టబడింది. అధికార పక్షం తరఫున తీసుకువచ్చిన ఈ తీర్మానంపై ముఖ్యమంత్రి విజయ్ సభలో ప్రసంగించారు. అనంతరం ప్రతిపక్ష సభ్యులు తమ అభిప్రాయాలను వెల్లడించగా, చివరగా ముఖ్యమంత్రి విజయ్ మరోసారి సమాధాన ప్రసంగం చేశారు.
విశ్వాస తీర్మానంపై ఓటింగ్ నిర్వహించే ముందు శాసనసభకు సంబంధించిన అన్ని ప్రవేశ ద్వారాలను మూసివేయాలని సభాపతి జె.సి.డి. ప్రభాకరన్ ఆదేశించారు. అనంతరం సభను ఆరు విభాగాలుగా విభజించి, ప్రతి విభాగంలో విడతల వారీగా ఓటింగ్ నిర్వహించారు.
సభ్యులను నిలబెట్టి ఓట్ల లెక్కింపు చేపట్టారు. మొదటి విభాగంలో 30 మంది సభ్యులు ప్రభుత్వానికి మద్దతు ప్రకటించగా, రెండో విభాగంలో 42 మంది సభ్యులు అనుకూలంగా ఓటు వేశారు. మూడో విభాగంలో 46 మంది సభ్యులు ప్రభుత్వానికి మద్దతు తెలిపారు.
నాలుగో విభాగంలో ఎస్.పి. వేలుమణి వర్గానికి చెందిన 25 మంది అన్నాడీఎంకే సభ్యులు ప్రభుత్వానికి మద్దతు ప్రకటించారు. ఐదో, ఆరవ విభాగాల్లో కూడా ఓటింగ్ ప్రక్రియ కొనసాగింది.
చివరికి విశ్వాస తీర్మానానికి అనుకూలంగా 144 మంది సభ్యులు ఓటు వేయగా, వ్యతిరేకంగా 22 మంది సభ్యులు ఓటు వేశారు. మరో ఐదుగురు సభ్యులు తటస్థంగా నిలిచారు. దీంతో ఈ తీర్మానం ఆమోదం పొందినట్లు సభాపతి ప్రకటించారు.
ఓటింగ్ జరుగుతున్న సమయంలో ద్రావిడ మున్నేట్ర కళగం సభ్యులు సభ నుంచి నిరసనగా నిష్క్రమించారు.
144 మంది సభ్యుల మద్దతుతో ముఖ్యమంత్రి విజయ్ నేతృత్వంలోని తమిళగ విజయం కూటమి ప్రభుత్వం శాసనసభలో తన మెజారిటీని విజయవంతంగా నిరూపించుకుంది. దీంతో విజయ్ ప్రభుత్వం అధికారంలో కొనసాగుతోంది.
శాసనసభలో జరిగిన విశ్వాస తీర్మాన ఫలితాన్ని గవర్నర్ రాజేంద్ర విశ్వనాథ్ ఆర్లేకర్‌కు అధికారికంగా తెలియజేయడానికి సభాపతి జె.సి.డి. ప్రభాకరన్ సిద్ధమవుతున్నారు.
………….