ఈ సందర్భంగా డా. వరప్రసాద్ రెడ్డి మాట్లాడుతూ తెలుగు భాషా–సాహిత్యాలను కాపాడుకోవాల్సిన అవసరం ఎంతో ఉందన్నారు. తెలుగు కార్యక్రమాలకు పెద్దవాళ్లు మాత్రమే కాకుండా కుటుంబ సభ్యులు, ముఖ్యంగా పిల్లలను తీసుకురావడం ద్వారా యువతలో భాషపై మమకారం పెంపొందించాల్సిన అవసరం ఉందన్నారు. సాహిత్యం, భాష, సంగీతం అనేవి కేవలం డిగ్రీల కోసం కాకుండా మన సంస్కృతి విలువలను తెలుసుకునే మార్గదర్శకాలని తెలిపారు.
ఆరోగ్యానికి సంగీతం ఎంతో అవసరమని, రోగాలకు రాగాలు కూడా ఉపశమనాన్ని కలిగిస్తాయని చెప్పారు. భారత, రామాయణ, భాగవతాలలో ఉన్న జీవన విలువలను ప్రజల చెంతకు తీసుకెళ్లాలని సూచించారు. “మనమే తెలుగు భాషను కాపాడటం కాదు… తెలుగు భాషే మనల్ని కాపాడుతుంది” అని పేర్కొన్నారు.
విశిష్ట అతిథి కళారత్న ప్రభ రమేష్ మాట్లాడుతూ తాను ఇటీవల సితార్‌లో అక్షరాలు నేర్చుకుంటున్నానని, వేద విజ్ఞాన వేదిక ద్వారా ‘సితార్ నీరాజనం’ అందించడం ఆనందంగా ఉందన్నారు. గత పదహారేళ్లుగా ప్రాచీన మరియు ఆధునిక సాహిత్యాన్ని క్రమశిక్షణతో నిర్వహిస్తున్న నిర్వాహకులను అభినందించారు.

వేదిక అధ్యక్షుడు జేకే రెడ్డి మాట్లాడుతూ చెన్నై మహానగరంలోని నలుమూలల నుంచి తెలుగు సాహితీ ప్రియులు పదహారేళ్లుగా కార్యక్రమాలకు హాజరవుతూ సంస్థను ముందుకు నడిపిస్తున్నారని కృతజ్ఞతలు తెలిపారు. యువతరానికి తెలుగు భాష మాధుర్యాన్ని పరిచయం చేయడానికి మరింత కృషి చేస్తామని చెప్పారు.
కార్యదర్శి కందనూరి మధు మాట్లాడుతూ తెలుగు భాష మాధుర్యాన్ని నేటి తరానికి చేరవేస్తూ 16 సంవత్సరాలుగా క్రమశిక్షణ, సమయపాలనతో కార్యక్రమాలు నిర్వహించడం ఆనందంగా ఉందన్నారు.
అనంతరం శ్రీమతి ప్రభ రమేష్ ‘సితార్ నీరాజనం’, కుమారి భవ్య తూములూరు ‘సంగీత నీరాజనం’ సభికులను అలరించి ఆలోచింపజేశాయి. ఈ కార్యక్రమంలో తెలుగు ప్రముఖులు, భాషాభిమానులు, సాహితీ ప్రియులు పెద్ద సంఖ్యలో పాల్గొన్నారు.

…………..

ఎలిజబెత్ జయకుమారి మాట్లాడుతూ తుమ్మల సీతారామమూర్తి చౌదరి రాసిన ‘రాష్ట్రగానం’ లో ఆంధ్రుడనై జన్మించితిని అనే రచన గురించి ప్రస్తావించారు. అలాగే మన పూర్వ కవులు తెలుగు భాష ఔన్నత్యాన్ని కొనియాడినట్లు పేర్కొన్నారు. అముక్త మాల్యద మాట్లాడుతూ అమ్మంటే ఎలా ఉంటుందో అమ్మ భాష అలా ఉంటుందని తెలిపారు. ఏ భాష వచ్చినా ఆ భాషలో నైపుణ్యం సాధిస్తే రాణించవచ్చని తెలిపారు. ప్రాథమిక భాష తెలుగు అయితే ఇతర భాషలను సులబంగా నేర్చుకోవచ్చని తెలుసుకోవచ్చని తెలిపారు. రచయిత్రి క్రొవ్విడి రమాదేవి మాట్లాడుతూ అమృతం కన్న, అమ్మ పాల కన్న, అన్య భాషల కన్న తెలుగు భాష అమృతమైనదని తెలిపారు. జనని ప్రధాన కార్యదర్శి గుడిమెట్ల చెన్నయ్య మాట్లాడుతూ తెలుగు భాష తియ్యనైనదని, మధురమైన తెలుగు భాషను మరువకూడదని తెలిపారు. ఆర్.ఎస్.శర్మ రాసిన తెలుగు భాషపై సందేశాన్ని చదివి వినిపించారు. అలాగే, వంజరపు శివయ్య మాట్లాడుతూ తెలుగు భాషా ప్రాముఖ్యత తగ్గుతోంది గాని, తెలుగు భాష చచ్చిపోలేదని తెలిపారు. తెలుగులో విద్య నభ్యసించి ఇతర దేశాల్లో రాణిస్తున్నవారు ఎంతో మంది ఉన్నారని తెలిపారు. శిరీష మాట్లాడుతూ ఇంట్లో తెలుగు మాట్లాడితే తెలుగు భాష అభివృద్ధి చెందుతుందని తెలిపారు. ఆచార్య విస్తాలి శంకరరావు జ్ఞానపీఠ్ అవార్డు గ్రహీత విశ్వనాథ సత్యనారాయణ తెలుగు భాషపై రాసిన ‘బహుజన్మ కృతపేన్య పరిపాకమున జేసి’ అనే పద్యాన్ని రాగయుక్తంగా వినిపించారు. వ్యాఖ్యాతగా అరుణా శ్రీనాథ్ వ్యవహరించారు.
వందన సమర్పణ నాగమణి చేశారు. ఇందులో ఎల్ బి శంకరరావు దంపతులు, క్రొవ్విడి హరినాథ్, నెల్లుట్ల శ్రీనివాస్, శ్యామల, లయన్ రేవతి తదితర ప్రముఖులు పాల్గొన్నారు.

………

ప్రాచీన సాహిత్యం నుంచి ఆధునిక సాహిత్యం వరకు వివిధ అంశాలపై ఉపన్యాసాలు నిర్వహిస్తూ, తెలుగేతర రాష్ట్రం అయిన తమిళనాడులో నివసిస్తున్న తెలుగు ప్రజల్లో, ముఖ్యంగా యువతలో మాతృభాషపై గౌరవం, మమకారం పెంపొందించడమే తమ లక్ష్యమని తెలిపారు. తెలుగు సాహిత్యంలోని మాధుర్యాన్ని కొత్త తరానికి పరిచయం చేయాలనే సంకల్పంతో కార్యక్రమాలు కొనసాగిస్తున్నామని అన్నారు.
ఉపన్యాసాలతో పాటు అనేక పుస్తక ఆవిష్కరణ సభలను నిర్వహించామని, “వేద విజ్ఞాన వేదిక” ఆధ్వర్యంలో కొన్ని గ్రంథాలను ప్రచురించి ఉచితంగా పాఠకులకు పంపిణీ చేశామని చెప్పారు. రచయితలను సన్మానిస్తూ సాహిత్య సేవను కొనసాగిస్తున్నామని వివరించారు.
చెన్నైలో తెలుగు భాష కోసం కృషి చేస్తున్న ఇతర సంస్థలను గుర్తించి, ఆర్థిక పరిమితులు ఉన్నప్పటికీ వారికి సహాయం అందించామని తెలిపారు. ప్రతి సంవత్సరం కొందరికి రూ.25,000, మరికొందరికి రూ.10,000 చొప్పున సుమారు 10 మంది ప్రముఖులకు ఆర్థిక సహకారం అందించామని చెప్పారు.
ప్రతి సంవత్సరం వార్షికోత్సవాన్ని కేవలం సాహిత్య సభగా కాకుండా కూచిపూడి నృత్యం, శాస్త్రీయ సంగీత కచేరి లేదా తెలుగు నాటకం వంటి సాంస్కృతిక కార్యక్రమాలతో నిర్వహించడం తమ ఆనవాయితీ అని తెలిపారు.
మధ్యలో ఆంధ్ర సోషల్ అసోసియేషన్ భాగస్వాములుగా కలిసి కార్యక్రమాలు నిర్వహించారని, నిర్వహణ మార్పుల కారణంగా వారు విరమించుకున్నప్పటికీ వారి నిర్ణయాన్ని గౌరవించామని చెప్పారు. 2022 నుంచి సభాగృహం, భోజనాలు, అల్పాహారం తదితర ఏర్పాట్లన్నీ స్వయంగా నిర్వహిస్తున్నామని వివరించారు.
గతంలో మద్రాస్ నగరంలోని ప్రముఖ తెలుగు, సంస్కృత పండితులతో పాటు తిరుపతి, నెల్లూరు, విజయవాడ, విశాఖపట్నం, హైదరాబాద్, రాజమండ్రి తదితర ప్రాంతాల నుంచి పలువురు మహానుభావులను ఆహ్వానించి ఉపన్యాసాలు నిర్వహించినట్లు తెలిపారు. బెంగళూరుకు చెందిన ప్రాచార్య శిలాకా రఘునాథ శర్మ గారు, ఆచార్య రామబ్రహ్మం గారు తదితర ప్రముఖులు సభలను అలంకరించారని పేర్కొన్నారు.
అధ్యక్షుడు జె.కె. రెడ్డి మాట్లాడుతూ — చెన్నై వంటి తెలుగేతర మహానగరంలో గత 16 సంవత్సరాలుగా తెలుగు సాహిత్యం, మాతృభాష ఔన్నత్యాన్ని వివిధ కార్యక్రమాల ద్వారా తెలుగు ప్రజలకు, యువతకు చేరవేస్తున్నామని తెలిపారు. కార్యదర్శి కందనూరు మధుతో సమన్వయంతో, క్రమశిక్షణతో కార్యక్రమాలు నిర్వహించడం వల్ల దేశవ్యాప్తంగా వేదికకు గుర్తింపు లభించిందని అన్నారు.
ఈ ఏడాది వార్షికోత్సవం ఆదివారం సాయంత్రం 6 గంటలకు ఆస్కా ప్రాంగణంలోని గోదావరి హాల్లో నిర్వహించబడుతుంది. ముఖ్య అతిథిగా శాంత బయోటెక్నిక్స్ వ్యవస్థాపకులు, పద్మభూషణ్ డాక్టర్ కె.ఐ. వరప్రసాద్ రెడ్డి పాల్గొననున్నారు. విశిష్ట అతిథిగా కళారత్న ప్రభా రమేష్ సితార్ వాద్య కార్యక్రమం అందించనుండగా, సంగీత నీరాజనం కుమారి భవ్య తూములూరు సంగీత కార్యక్రమాన్ని ప్రదర్శించనున్నారు.
చెన్నై మహానగరంలోని తెలుగు సాహితీ ప్రియులు, తెలుగు సంఘాల నిర్వాహకులు, ప్రజలందరూ హాజరై కార్యక్రమాన్ని విజయవంతం చేయాలని నిర్వాహకులు ఆహ్వానించారు.
……..

ఈ కార్యక్రమానికి ముఖ్య అతిథులుగా కలైమామణి కె.ఎన్. రామస్వామి, భారతీయ విద్యాభవన్ చెన్నై డైరెక్టర్, గురువు శ్రీమతి శృతి శోభ హాజరయ్యారు. తెలుగు వెలుగు సంక్షేమ సంఘం అధ్యక్షులు అల్లింగం రాజశేఖర్, కుమారి ఆద్య వినయ్‌ను శాలువాతో సత్కరించి “నాట్య మయూరి” అవార్డును అందజేశారు.

ఈ సందర్భంగా రాజశేఖర్ మాట్లాడుతూ, నాట్యం ఒక గొప్ప కళ అని, రాజుల కాలంలో గ్రామ ప్రజల సమస్యలను నాట్య రూపంలో రాజులకు తెలియజేసే సంప్రదాయం ఉండేదని తెలిపారు. ఆ కాలంలో టెక్నాలజీ లేకపోవడంతో నాట్యకళ ప్రజలకు ఎంతో ఉపయోగపడేదన్నారు. రామాయణం, మహాభారతం, శివతాండవం వంటి ఇతిహాసాలను నాట్య రూపంలో చూపిస్తూ భావితరాలను భక్తి మార్గంలో నడిపిస్తున్నారని పేర్కొన్నారు.

మన తెలుగింటి ఆణిముత్యాలను వెలుగులోకి తీసుకురావడం తమ ధ్యేయమని, కుమారి ఆద్య వినయ్ వెంపటి చినసత్యం వంటి మహానుభావుల స్థాయికి ఎదిగి పేరు ప్రఖ్యాతలు పొందాలని, చెన్నైకే పరిమితం కాకుండా దేశ విదేశాల్లో ప్రదర్శనలు ఇస్తూ నాట్యకళకు మరింత గౌరవం తీసుకురావాలని అభినందించారు. ఈ కార్యక్రమంలో ప్రముఖ ఆర్ట్ కళాకారులు పద్మశ్రీ తోట ధరణి, తోట భానూజి దంపతులు, రూపవతి దంపతులు,బంధుమిత్రులు ,కుటుంబ సభ్యులు, తెలుగు ప్రజలు పాల్గొన్నారు.

………

ఈ సందర్భంగా కె. అనిల్ కుమార్ రెడ్డి మాట్లాడుతూ, విద్యార్థులు క్రీడల్లో రాణిస్తే శారీరక–మానసిక దృఢత్వం పెంపొందడంతో పాటు ఉన్నత స్థాయిలకు చేరుకోవచ్చని తెలిపారు. పలు సూచనలు అందజేశారు. ముఖ్య అతిథి వి.ఎస్. రాహుల్ మాట్లాడుతూ, క్రీడలు మానసిక ఉల్లాసాన్ని కలిగిస్తాయని, సమాజంలో ప్రత్యేక గుర్తింపును తీసుకువస్తాయని చెప్పారు.

విద్యతో పాటు క్రీడల్లోనూ రాణించాలని తన అనుభవాలను విద్యార్థులతో పంచుకున్నారు.
అనంతరం విద్యార్థులు ప్రదర్శించిన యోగా, కర్రసాము సాధన, నృత్యాలు ఆకట్టుకున్నాయి.

విజేతలకు బహుమతులు అందజేశారు. ఈ కార్యక్రమంలో పాఠశాల వైస్ ప్రెసిడెంట్ కె. ఆనంద్ కుమార్, సెక్రటరీ మరియు కరస్పాండెంట్ వి. గోవింద్, ట్రెజరర్ కె. రంగారెడ్డి, వైస్ ప్రిన్సిపాల్ ఆర్. ఇలాంగో, హెడ్‌మిస్ట్రెస్ వి. శీలా తదితరులు, విద్యార్థులు, తల్లిదండ్రులు మరియు పాఠశాల సిబ్బంది పెద్ద సంఖ్యలో పాల్గొన్నారు.

………

పాటైనా, “ ఉందిలే మంచి కాలం ముందు ముందున అందరు సుఖపడాలి నందనందనా” అంటూ భవిష్యత్తుపై
ఆశను చిగుర్చే పాటైనా, “ అందరికోసం ఒక్కడు నిలిచి ఒక్కడి కోసం అందరు కలసి” అంటూ సమతా
మమతల సంస్కృతిని తెలిపే ప్రబోధ గీతమైనా ఘంటసాల పాడితేనే, ఆనందం అందులోనే లో వుంది
అర్థం, పరమార్థం.పాడే ఆ ఒక్కొక్క పాట ఆయన పాడుతూ ఉంటే అందు ఒక్కొక్క పలుకు ఓ అమృత ధారయై చివరికిఅమృతవాహినిగా ప్రవహిస్తుంది. పాటలోని ఉచ్ఛారణ, తెలిపే భావం, పలికే భాష, ఆయనకే అది సాధ్యం.మరెవరికీ సాధ్యం కాదంటే అతిశయోక్తి కాదేమో! అలా మధురమైన తన కంఠంతో పాటలను పాడి, అటుసంగీతానికి ఇటు మధురమైన మన మాతృభాషకు కీర్తిప్రతిష్టలు ఆర్జించి పెట్టిన ఆ మధుర గాయకుడుమనల నుండి విడిపోరు, మన మదిలో ఎప్పుడూ చిరస్థాయిగా వుంటారు.
పాట వినోదాన్ని, విజ్ఞానాన్ని పంచేది. ఆయన పాటలు ఆపాతమధురం. దేశభక్తిపూరితమై,
ప్రేమానురాగాలు పంచే సఖ్యతా సౌభ్రాతృత్వాన్ని తెలియచేసే ఆయన పాటలను విరివిగా ప్రచారం చేయాలి.పాశ్చాత్య సంగీతానికి బానిసలై పరవళ్లు తొక్కుతున్న యువతరంలో మార్పు తేవాలి. అందుకు సాంస్కృతికసంఘాలు ముందుకు రావాలి.
పాడుతూనే చనిపోవాలనేవారు ఘంటసాల., అలా సంగీత సామ్రాజ్యంలో మకుటం లేని మహారాజుగా
వెలిగిన ఘంటసాల ఆ సంగీత సేవలో తరిస్తూనే 1974 ఫిబ్రవరి 11 న తనువు చాలించారు. అయినా
సంగీతం ఓ ప్రవాహం. అది ప్రవహిస్తూనే వుంటుంది. అలాగే ఘంటసాల పాటలు జనహృదయాల్లో
నిలిచిపోయాయి. అవి విడిపోవు.
‘ పాటకు పల్లవి ప్రాణం నా జీవన జీవం గానం’-అవును. అందుకే ఘంటసాల మరణించలేదు. సంగీతం వున్నంత కాలంఆయన జీవించే వుంటారు.
-గుడిమెట్ల చెన్నయ్య, చెన్నై ,సంచారవాణి 9790783377.

(అమర గాయకులు శ్రీ ఘంటసాల వెంకటేశ్వరరావు గారి 52వ వర్ధంతి సందర్భంగా ప్రత్యేక వ్యాసం)