చెన్నై న్యూస్: తమిళనాడు గౌరవ ముఖ్యమంత్రి తిరు ఎస్. జోసెఫ్ విజయ్ నేడు (25-06-2026) సచివాలయం ప్రాంగణంలో నిర్వహించిన కార్యక్రమంలో రాష్ట్ర ప్రజలకు మరో శుభవార్త అందించారు. రాష్ట్ర రవాణా సంస్థల కోసం రవాణా శాఖ రూ.127.21 కోట్ల వ్యయంతో సమకూర్చిన 300 కొత్త ప్రయాణికుల బస్సులను ఆయన జెండా ఊపి ప్రజా సేవలకు అంకితం చేశారు.
ఈ సందర్భంగా ప్రజలకు మెరుగైన, సురక్షితమైన మరియు సౌకర్యవంతమైన రవాణా సేవలను అందించడమే ప్రభుత్వ లక్ష్యమని ముఖ్యమంత్రి పేర్కొన్నారు. కొత్త బస్సుల ప్రారంభోత్సవం అనంతరం, మెట్రోపాలిటన్ రవాణా సంస్థ నిర్వహిస్తున్న 29ఏ మార్గంలోని ఒక కొత్త బస్సులో ముఖ్యమంత్రి స్వయంగా ప్రయాణించి సేవలనుపరిశీలించారు.

ఈ కొత్త బస్సుల ప్రవేశంతో రాష్ట్రవ్యాప్తంగా ప్రజా రవాణా వ్యవస్థ మరింత బలోపేతం కావడంతో పాటు, ప్రయాణికులకు మెరుగైన సౌకర్యాలు అందుబాటులోకి రానున్నాయి. ప్రజా రవాణా అభివృద్ధికి ప్రభుత్వం నిరంతరం కట్టుబడి ఉందని అధికారులు తెలిపారు.
.........